Il collegi da scolastas e scolasts ed il team digl internat s'engaschan ultra dalla scola era per valurs fundamentalas sco integritad, toleranza e spért da cuminonza.
Il Gimnasi dalla claustra da Mustér secapescha buca mo sco instituziun da formaziun mobein era sco secund dacasa per giuvnas e giuvens. El procura per ina partenza segira viadora ella veta e da dumignar quella cun success.
Dapli informaziuns partenent il Gimnasi ed igl internat dalla claustra da Mustér anfleis sin la pagina dalla scola.
