Alla vischnaunca Ilanz/Glion eis ei impurtont che las sportistas ed ils sportists sappien far diever d'implonts da sport, urdeins da sport, mieds da menaschi, etc. adequats. Ina damonda per ina cunfinanziaziun sa vegnir inoltrada alla vischnaunca.
Promoziun d'implonts
La calculaziun dils cuosts imputabels per la construcziun, igl engrondiment ni la sanaziun dils implonts da sport e per il temps liber sedrezza tenor la pratica dalla partiziun sport digl uffeci per la scola populara ed il sport dil Grischun, cura ch'ei va per conceder contribuziuns alla construcziun d'implonts da sport.
Ulteriuras informaziuns da grischunSPORT cheu.
Per determinar la summa dalla contribuziun vegnan ils suandonts facturs risguardai:
a. contribuziun alla promoziun dalla sanadad dils habitonts;
b. exclusivitad ed accessibladad dall'utilisaziun;
c. muntada locala e regiunala;
d. muntada turistica;
e. singularitad dalla purschida;
f. frequenza dall'utilisaziun.
Material da sport ed urdeins da sport
La calculaziun dils cuosts imputabels per cumprar material da sport ed urdeins da sport sedrezza tenor la pratica dalla partiziun sport digl uffeci per la scola populara ed il sport dil Grischun, cura ch'ei va per conceder contribuziuns per cumprar material da sport ed urdeins da sport. Las contribuziuns a material da sport ed ad urdeins da sport importan maximalmein 20 pertschien dils cuosts imputabels.
Ulteriuras informaziuns da grischunSPORT cheu.
Mieds da menaschi, maschinas ed ulteriur
Las contribuziuns per cumprar mieds da menaschi, maschinas ed ulteriur importan maximalmein 20 pertschien dils cuosts imputabels.
Per determinar la summa dalla contribuziun vegnan ils suandonts facturs risguardai:
a. contribuziun alla promoziun dalla sanadad dils habitonts;
b. exclusivitad ed accessibladad dall'utilisaziun;
c. muntada locala e regiunala;
d. muntada turistica;
e. singularitad dalla purschida;
f. frequenza dall'utilisaziun.
