Fatgs da tgauns

Possessuras e possessurs da tgauns ston ademplir differentas obligaziuns.

Tener animals
Animals ston vegnir teni aschia che negin vegn mulestaus a moda insupportabla ed aschia che ni carstgauns, auters animals ni caussas vegnan periclitai.

Obligaziun d'annunzia
Ina possessura ni in possessur d'in tgaun sto annunziar mintga tgaun tier la controlla da habitonts. Sch'in tgaun mida possessur, ei la nova possessura ni il niev possessur obligaus d'annunziar quei enteifer 14 gis. L'annunzia sto vegnir fatga mintg'onn entochen ils 31 da schaner. L'obligaziun d'annunzia entscheiva, schigleiti ch'il tgaun ha treis meins.

Taglia da tgauns
Tenor artechel 11 e 12 dalla lescha da taglia dalla vischnaunca Ilanz/Glion ston ils possessurs pagar taglia per mintga tgaun da treis meins e pli vegls che vegn tenius sin territori da vischnaunca. Ils possessurs ein obligai d'annunziar lur animals enteifer 30 gis alla controlla da habitonts.

Tenor artechel 14 alinea 1 dalla lescha da taglia communala cuosta igl emprem tgaun CHF 100.00 e mintga ulteriur el medem tenercasa CHF 150.00.

Dall'obligaziun da pagar taglia da tgauns ein excepi:

tgauns da polizia
tgauns da lavinas
tgauns per tschocs e per persunas senza udida

Cuors AEM
Ils cuors dad AEM per possessurs da tgauns ein vegni aboli cun igl 1. da schaner 2017. Cun quei datum scroda igl artechel 68 dall'ordinaziun da protecziun d'animals. Quei vul gir, possessurs che han mess neu in tgaun avon la fin 2015, ein da principi obligai da frequentar il cuors dad AEM.

Tener tgauns ella publicitad (mira lescha da polizia)
Igl ei scumandau da prender tgauns en implonts da bogn, baselgias, santeris, salas da concert, teaters e kinos. Excepiu da quei scamond ein tgauns da tschocs e tgauns d'assistenza. En baghetgs dall'administraziun communala ed en menaschis da restauraziun, sin areals da scola e da scoletta, sin plazzas da giug, implonts da sport sco era en parcs publics ein ils tgauns da menar vid la tschenta. Ils tgauns ston adina esser sut survigilonza. Possessurs da tgauns e menaders da tgauns han da procurar ch'ils excrements da tgaun sin terren public e terren privat da tiarzs vegnien allontanai immediat e conform agl uorden.

Contact

Administraziun communala Ilanz/Glion
Controlla da habitonts
Plazza Cumin 9
Caum postal 90
7130 Glion

telefon 081 920 15 36
einwohnerkontrolle@ilanz-glion.ch

Survetsch al telefon

Gliendisgis – Vendergis
08.00 – 11.30
13.30 – 16.30

Uras da spurtegl

Gliendisgis
08.30 – 11.00
14.00 – 18.00

Margis e mesjamna
08.30 – 11.00
14.00 – 16.30

Gievgia
08.30 – 11.00

Vendergis
08.30 – 11.00
14.00 – 16.00