La Cussegliaziun da geniturs ei ina purschida che sustegn las famiglias ed ei igl emprem post da consultaziun per damondas da tut gener pertuccont la promoziun tempriva, dalla naschientscha entochen la vegliadetgna da tschun onns. La finamira dalla promoziun tempriva ei quella da procurar che affons han bunas cundiziuns da crescher si.

Naven digl 1. da fenadur 2020 vegn la Cussegliaziun da geniturs dil Grischun (anteriura cussegliaziun per mummas e per babs) organisada sin plaun regiunal. Il survetsch dalla Cussegliaziun da geniturs vegn integraus en la purschida dalla promoziun da sanadad e prevenziun dallas regiuns e vegn garantius tras ils centers dil provediment dalla sanadad respectivs.

La Cussegliaziun da geniturs dil Grischun ei facultativa, gratuita e confidenziala.