Dapi igl 1. da schaner 2023 ein la lescha davart la promoziun dalla sanadad, dalla prevenziun e dil sport dalla vischnaunca Ilanz/Glion e l'ordinaziun corrispundenta en vigur.
Igl intent dalla lescha vertenta ei da promover:
- la sanadad dalla populaziun entras mesiras dalla polizia sanitara e mesiras dalla promoziun dalla sanadad e dalla prevenziun;
- il sport sin basa da sia valeta educativa, sociala, culturala e scientifica e da sia impurtonza sco era sin basa da sia gronda influenza sin il temps liber, la sanadad, l'integraziun sociala, la prestaziun e la fairness.
Cun scaffir ina basa legala vul la vischnaunca motivar tier activitads sportivas ed appreziar la contribuziun alla qualitad da viver dallas uniuns sportivas sco era dalla lavur voluntaria per la promoziun da giuvenils en tuttas fracziuns.
