IN GAUDI PER PIGN E GROND! En in bellezia contuorn agl ur digl uaul tier la plazza da sport a Glion sesanfla il sulet bogn aviert ella Surselva, il qual ei vegnius aviarts igl onn 1969. 1996/1997 ei igl entir stabiliment vegnius sanaus ed equipaus cun la pli moderna tecnica. L'aua vegn vivificada entras la tecnologia originala da Grander. Dasperas dispona il bogn aviert d'ina infrastructura generusa, als hosps stat ina vasta purschida da sport e recreaziun a disposiziun. Naven dall'ustria haveis Vus ina biala vesta sin gl'entir areal dil bogn. Ideal per dar ina paterlada cun amitgs e schar gustar in bien migiel vin ni Vossa bubronda preferida ed era per guder ina spisa delicata.Il team dil bogn e la vischnaunca dad Ilanz/Glion engrazian per la confidonza demussada. Nus selegrein gia sin ina grondiusa stad 2025 – speronza era puspei cun Vus.Las uras d'avertura dalla sesiun 2025 vegnan publicadas cheu el decuors dalla primavera 2025.
