Fiasta per burgheis giuvens

La suprastonza communala Ilanz/Glion envida tut las giuvnas carschidas ed ils giuvens carschi ella vegliadetgna da 18 onns all'emprema fiasta per burgheis giuvens dapi la fusiun. A caschun da quella fiasta survegnan ils giuvenils in'envesta els eveniments politics dalla vischnaunca. Buc muncar astga per franc buc la part sociabla e plascheivla. Era las giuvnas jastras ed ils giuvens jasters dalla medema annada che habiteschan ella vischnaunca dad Ilanz/Glion ein cordialmein envidai sco hosps. 

Maiorennitad - dretgs e duers

• Ti has il dretg da decider sur da tetez. Quei munta denton buca, che tes geniturs han negina responsabladad pli enviers tei, ni che la relaziun che ti has cun els ha negina valeta pli.
• Tia suttascripziun ei valeivla. Ti sas uss suttascriver tut tez, p. ex. in contract d'affittaziun, il carnet d'absenzas eav.
• Ti has sco Svizra e Svizzer il dretg da votar. Tia vusch quenta tier tut quei che pertucca la confederaziun, il cantun ni la vischnaunca. Vitier eis ti eligibla/els per uffecis publics.
• Ti astgas maridar.
• La posta (dalla scola, dalla fatschenta, d'uffecis eav.) vegn adressada a ti.
• Ti eis suttamess/a allas taglias.

La fiasta per burgheis giuvens ha l'emprema gada giu liug ils 3 da december 2021. Las annadas 2002 e 2003 eran envidadas.