Situaziun da partenza
Il mars 2013 ha il suveran svizzer approbau claramein la nova lescha davart la planisaziun dil territori (LPT1). Cun las novas reglas duei d'ina vart vegnir frenada la construcziun disordinada e da l'autra vart duei il terren agricol vegnir protegius meglier. La LPT1 pretenda ch'il svilup dils habitadis futurs succedi a moda cumpacta enteifer las zonas da construcziun existentas e che la grondezia dallas zonas da construcziun corrispundi al svilup demografic.
Linc
Consequenzas per la vischnaunca
La LPT1 restrenscha il spazi d'agir da Cantun e vischnauncas e dat dapli cumpetenzas alla Confederaziun. Quella decida co eruir il basegns da zonas da habitar, zonas mischedadas e zonas dil center (ZAMC) e fa pretensiuns co valetar l'utilisaziun da ZAMC.
Incumbensa dil cantun Grischun alla vischnaunca
Igl Uffeci da planisaziun dil Grischun ha categorisau tut las vischnauncas tenor dus criteris sco vischnauncas A, B ni C. Ils criteris ein las reservas existentas da zonas da construcziun ed il svilup demografic prognosticau.
Vischnaunca A - zonas da construcziun sutdimensiunadas
Vischnaunca B - zonas da construcziun dimensiunadas adequatamein
Vischnaunca C - zonas da construcziun surdimensiunadas
La vischnaunca dad Ilanz/Glion ei vegnida classificada sco vischnaunca C cun in svilup demografic positiv, denton tuttina cun zonas da baghegiar surdimensiunadas.
consequenza: La vischnaunca Ilanz/Glion sto reducir las zonas da baghegiar.
La vischnaunca dad Ilanz/Glion ei vegnida classificada sco vischnaunca C cun in svilup demografic negativ e zonas da construcziun surdimensiunaus. Perquei sto la vischnaunca reducir las zonas da construcziun:
- Tut las zonas da construcziun ordeifer il corp d'edifecis ston da principi vegnir dezonadas.
- Allas vischnauncas vegn garantida ina reserva commensurada sco basegns fundamental.
- Il basegns fundamental vegn augmentaus, sch'ei dat ina motivaziun plausibla (p.ex. in'immigraziun marcanta).
