Cun la finamira da promover il secuntener gest dalla populaziun, dall'industria e dil commerci, dallas autoritads, administraziuns e scolas arisguard l'ecologia e l'energia, nominescha la suprastonza communala ina cumissiun d'energia.
"Sco president dalla cumissiun d'energia hai jeu interess che nus mettein il focus sin in provediment d'energia pagabel cun ina consultaziun intensiva d'energias regenerablas. Quei cumpeglia in'efficienza energetica optimala el sectur dils edifecis e dalla mobilitad." Hanspeter Bundi, president, Castrisch
"Temperaturas da record, schitgira ni inundaziuns: Il scaldament dil clima ei buca da surveser. En quei connex gioga l'energia ina rolla centrala. Perquei s'engaschel jeu ella cumissiun d'energia per in'utilisaziun spargnusa ed effizienta dall'energia e per la promoziun d'energias regenerablas en accordanza cun la protecziun dalla natira e dalla cuntrada." Katharina Belser, Glion
"Aschigitg ch'jeu hai energia, s'engaschel jeu per quella." Emil Efinger, Siat
"Sco commember dalla cumissiun d'energia sun jeu perschuadius che la mobilitad gioga ina rolla centrala per la formaziun da nies futur energetic. Jeu s'engaschel da metter quei aspect el center da nossa lavur, per promover sligiaziuns da mobilitad innovativas e persistentas." Flavio Elvedi, Glion
"Sco menader dalla partiziun planisaziun e construcziun sun jeu secapescha bugen dalla partida ella cumissiun d'energia. Entras mia scolaziun sco architect SPF sun jeu denton gia dagitg colligiaus en general cun la construcziun ed oravontut cul tema energia ed ambient." Andreas Pfister, Glion
"Sco commembra dalla cumissiun d'energia s'engaschel jeu cun passiun per in futur energetic persistent. Jeu hai l'intenziun da metter la via per in provediment d'energia ecologic ed efficient e da gidar activamein d'anflar sligiaziuns per las sfidas da nies temps." Gudrun Ziermann, Ruschein
