Ina cuntrada naturala e cultivada porscha spazi ton als animals selvadis sco era a sportists. Entras activitads dil temps liber duei denton il spazi da viver dalla selvaschina en mintga cass vegnir risguardaus e respectaus. En special ston surtut ils asils da schurmetg per la selvaschina vegnir risguardai. Ils lufs ein buc directamein in prighel. Tut las activitads dil temps liber ein era vinavon pusseivlas! Sche las reglas da cumportament vegnan risguardadas, dat ei negin prighel per viandonts, bikers, curriders ed auters amaturs dad activitads el liber. Era affons astgan vinavon termagliar sut survigilonza egl uaul. Mira dretg il fegl d'informaziun «En/sin viadi el territori dil luf»
Lufs scappan buc adina immediat. Igl ei diltuttafatg normal ch'il luf observa e schazegia en igl emprem mument la situaziun, per silsuenter s'allontanar plaunet ni scappar.
Dapli informaziuns anfleis Vus cheu.
Pil solit ein vaccas buc animals prigulus, denton marveglius. Enten entrar sin pastira ston ils animals e lur cumportament denton adina vegnir observai. Igl ei da far stém sil suandont:
Smanatschas d'attacca dallas vaccas semuossan enten alzar e sbassar il tgau, sburflar, scarsar giun plaun e burlar. Sche Vus observeis tals signals d'alarm, bandunei la pastira enten serender plaunsiu anavos. Moviments sperts fan ina pareta smanatschonta sin las vaccas.(Fontauna: Sendas da viandar dalla Svizra) Reglas da cumportament en vesta a muntaneras da vaccas-mumma anfleis Vus cheu.
Muort il retuorn dils lufs e dils uors basegnan ils animals da néz puspei dapli protecziun sin pastira. Sin alps nunsurveseivlas san mo ils tgauns da protecziun porscher effizientamein quei schurmetg allas muntaneras. Els protegian da gi e da notg lur muntaneras a moda independenta ed instinctiva e quei da tutt'aura. Tgei far, sche Vus s'entupeis cun in tgaun da protecziun? Informaziuns anfleis Vus sin www.plantahof.ch ni sin www.herdenschutzschweiz.ch.
General – risguardei ils asils da schurmetg per la selvaschinaPersuna da contact communala: Andreas Pfister081 920 15 60andreas.pfister@ilanz-glion.ch
Fegl d'informaziun
Tier damondas en connex cun selvaschinas dat il guardiaselvaschina local bugen risposta. Mira cheu.