La vischnaunca sustegn l'organisaziun d'occurrenzas e da projects da sport sin igl intschess dalla vischnaunca, premess ch'ei seigi avon maun in'empermischun da sustegn dil cantun. La contribuziun dalla vischnaunca importa maximalmein 150 pertschien dalla contribuziun cantunala ord il fondo da sport.
Ulteriuras informaziuns da grischunSPORT cheu.
Per determinar la summa dallas contribuziuns vegnan ils suandonts facturs risguardai:
- contribuziun alla promoziun dalla sanadad dils habitonts;
- muntada turistica.
La vischnaunca sa sustener occurrenzas da sport e projects generals per promover il sport era senza in'empermischun per ina contribuziun dil cantun. Ina damonda corrispundenta sto vegnir inoltrada silmeins 2 meins avon l'occurrenza resp. avon la realisaziun dil project.
