La finamira da quell'occurrenza che vegn organisada mintg'onn dalla cumissiun da cultura Ilanz/Glion ei da percepir las iniziativas ed ils basegns dallas uniuns e dallas persunas activas sin il camp cultural e da rinforzar la reit culturala.
Igl onn 2024 stat igl art figurativ el focus. Nus promovin il discuors denter artistas ed artists che se dedicheschan agl art da construcziun, d'architectura, da sculptura, da pictura, da dissegn, da creaziun visuala, da fotografia, da film, d'artisanat, da creaziun d'exposiziuns, da scenografia etc.
Tut las ulteriuras persunas ch'ein interessadas a quei dialog ein beinvegnidas cordialmein. La participaziun ei gratuita.
Ulteriuras informaziuns anfleis cheu.
ANNUNZIA
L'occurrenza ei publica.
In'annunzia ei necessaria entochen mesjamna, ils 6 da november 2024
tier Angela Gulli, post da coordinaziun per la cultura dad Ilanz/Glion, e-mail: kultur@ilanz-glion.ch
Cordial beinvegni!
Cumissiun da cultura Ilanz/Glion
