Ella vischnaunca dad Ilanz/Glion exista ina zona da planisaziun, la quala ei vegnida relaschada ils 12 da fevrer 2018 e prolungida ils 20 da schaner 2020 (art. 21 dalla lescha da planisaziun cantunala LPC). Quella zona da planisaziun ha la suandonta finamira: Examinar ina reducziun dallas zonas da baghegiar ordeifer il perimeter pli u meins surbaghegiau tenor las perscripziuns digl art. 15 al. 2 dalla lescha da planisaziun federala (LPF) sco era tenor il plan directiv cantunal, pertuccont parcellas numnadas concret en divers plans.
A caschun dalla sesida dils 23 da fevrer 2021 ha la suprastonza communala, sebasond sin art. 21 dalla lescha da planisaziun cantunala (LPC) decidiu d'engrondir la zona da planisaziun suramenziunada sin la parcella nr. 9643, cudisch funsil Glion, la quala era muort malcapientscha buca vegnida tschaffada, sco era d'aschuntar il plan "surfatschas potenzialas da reducziun 1:2'000, Glion" corrispundentamein.
