Onn 2025
Las fieras da rauba a Glion vegnan organisadas entras la vischnaunca Ilanz/Glion. Ulteriuras informaziuns.
La fiera da vinars ei la davosa fiera digl onn. lls ins manegian ch'ils politichers hagien partiu pli baul quei gi vinars culla populaziun, per ch'els vegnien aschia elegi danovamein. Auters ein dil meini, ch'ins hagi empleniu las reservas da vinars per igl unviern.
Quei ei denton buca relevant, oz ei il te da catschadurs, punsch e caffè cun vinars trumf. Plinavon ei la fiera da vinars in eveniment per sentupar cun amitgs, parents ed enconuschents e per far in viva cun els sigl onn vegnent.
La proxima fiera da vinars ha liug margis, ils 30 da december 2025 naven dallas 10.00 el center da Glion.
La fiera da vinars a Glion vegn organisada entras la vischnaunca Ilanz/Glion. Ulteriuras informaziuns.
